“AECS” MMC · VÖEN 3104196261B.e.–C. 09:00–18:00
Azərbaycan Qiymətləndirmə və Konsaltinq Xidməti

Qərarın arxasında əsaslandırılmış rəqəm dayanmalıdır

Müstəqil qiymətləndirmə, konsaltinq, analitika və ekspertiza — əmlak, biznes və aktivlər üzrə.

Xidmətlərimiz

01

Qiymətləndirmə

Bazar, investisiya və digər dəyər növlərinin müəyyən edilməsi — qiymətləndiricilərimizin ixtisas şəhadətnamələrinin əhatə etdiyi istiqamətlər üzrə: daşınmaz əmlak və torpaq sahələri, nəqliyyat vasitələri və avadanlıq, müəssisələr və nizamnamə kapitalında paylar, qeyri-maddi aktivlər, dəymiş zərər və əldən çıxmış mənfəət. Hesabat notariat, məhkəmə və dövlət orqanlarına təqdim edilmək üçün tərtib olunur.

Ətraflı →
02

Konsaltinq

Əmlak və biznes üzrə qərarların maliyyə və hüquqi müşayiəti: alqı-satqı, nizamnamə kapitalında payların bölünməsi və özgəninkiləşdirilməsi, aktivlərin nizamnamə kapitalına qoyulması, əsas vəsaitlərin inventarizasiyası və silinməsi üzrə mütəxəssis rəyi, torpaq sahələrinin sərhədlərinin GPS ilə dəqiqləşdirilməsi. Zəruri hallarda audit üzrə mütəxəssislər cəlb olunur.

Ətraflı →
03

Analitika

Qərar qəbul etməzdən əvvəl: due diligence, bazar məlumatlarının təhlili, proqnozlaşdırma və risklərin qiymətləndirilməsi — investisiya, alqı-satqı və maliyyə hesabatlılığı məsələləri üzrə. Zəruri hallarda proqnozlaşdırma və risk üzrə mütəxəssislər cəlb olunur.

Ətraflı →
04

Ekspertiza

Qarşıya qoyulan konkret suala hesablama və mənbə ilə əsaslandırılmış ekspert rəyi — sifarişçinin müraciəti, tərəflərin və vəkillərin sorğusu, habelə məhkəmələrin və istintaq orqanlarının qərarı əsasında.

Ətraflı →
Hansı hallarda bizə müraciət edirlər

Vəziyyətinizi tapın — qalanını birlikdə dəqiqləşdirək

Əmlakınızın dəyəri

Mənzil, fərdi ev, torpaq sahəsi, kommersiya obyektləri, nəqliyyat, avadanlıq və digər əmlakın bazar dəyəri — sövdələşmə və qərarlar üçün.

Biznesin alqı-satqısı və investisiya

Müəssisənin və payın dəyəri, due diligence, risk və proqnoz təhlili — qərar qəbul edilməzdən əvvəl.

Nizamnamə kapitalı

Pul olmayan əmlakın (bina və torpaq sahələri, avadanlıq, əqli mülkiyyət) dəyərinin qiymətləndirilməsi.

Mühasibat və vergi

Əsas vəsaitlərin yenidən qiymətləndirilməsi, maliyyə hesabatlılığı üçün ədalətli dəyər, vergi məsələləri üzrə məsləhət.

Miras, boşanma, əmlakın bölünməsi

Payların ədalətli bölgüsü üçün müstəqil dəyər — notariat və məhkəmə üçün.

Dəymiş zərər

Yol qəzası, su basması, yanğın və digər hallarda zərərin və əldən çıxmış mənfəətin hesablanması — təqsirkar tərəf və məhkəmə üçün.

Əsas vəsaitlərin silinməsi və utilizasiyası

Avadanlığın vəziyyəti barədə rəy — silinmə qərarı üçün. Utilizasiyadan başqa qanuni yollar: satış, hərrac, başqa balansa verilmə.

Məhkəmə mübahisəsi

Ekspertizanın təyin edilməsi üçün sualların hazırlanması, ekspert rəyi.

Torpaq sahəsi

Sərhədlərin GPS ilə dəqiqləşdirilməsi, sənədlə uyğunsuzluğun aşkar edilməsi, sahənin qiymətləndirilməsi.

Niyə AECS

Nəticə ilə yanaşı, ona aparan yol da aydın olur

01

Əsaslandırılmış nəticə

Hər hesabat və ekspert rəyi istifadə olunan məlumatlar, hesablamalar, mənbələr, yanaşmalar və əsaslandırmalar göstərilməklə hazırlanır. Nəticə ilə yanaşı, ona aparan yol da aydın olur.

02

Yoxlanıla bilən status

Şirkət Azərbaycan Respublikası Qiymətləndiricilər Palatasının qiymətləndirmə təşkilatları siyahısına daxildir. Qiymətləndiricilərimiz Palatanın üzvləridir və Dövlət İmtahan Mərkəzinin ixtisas şəhadətnamələrinə malikdirlər. Şəhadətnamələr saytda yerləşdirilib və QR-kod vasitəsilə yoxlanıla bilər.

03

Standartlar

Hesabatlar “Qiymətləndirmə fəaliyyəti haqqında” Qanuna, müqavilədə nəzərdə tutulduqda isə Beynəlxalq Qiymətləndirmə Standartlarına (IVS 2025) uyğun tərtib olunur. Hər istiqamətdə müvafiq sahənin qanunvericiliyi, standartları və qarşıya qoyulan məsələnin tələbləri əsas götürülür.

04

Bir komanda

Qiymətləndirmə, ekspertiza, hüquqi və maliyyə müşayiəti, GPS ölçmələri — vahid komanda çərçivəsində. Zəruri hallarda məsələnin tələb etdiyi digər mütəxəssislər cəlb olunur.

05

Məxfilik

Sifarişçinin sənədləri və məlumatları yalnız tapşırığın icrası üçün istifadə olunur və qanunla nəzərdə tutulmuş hallar istisna olmaqla üçüncü şəxslərə verilmir.

Necə işləyirik

Müraciət

Telefon, WhatsApp və ya saytdakı forma ilə. Elə ilk söhbətdə məqsədi, obyekti və lazım olan sənədləri dəqiqləşdiririk.

Müqavilə

Müddət, dəyər və nəticənin forması əvvəlcədən yazılı şəkildə təsbit olunur.

Baxış və hesablama

Obyektə baxış, foto və ölçmələr, bazar məlumatlarının toplanması, qiymətləndirmə qanunvericiliyinə uyğun yanaşma və metodlarla hesablama.

Təhvil

Hesabat və ya ekspert rəyi kağız və elektron formada, qiymətləndiricinin imzası və şəhadətnaməsinin surəti ilə. Suallarınızı təhvildən sonra da cavablandırırıq.

Tez-tez verilən suallar

Qiymətləndirmə üçün hansı sənədlər lazımdır?

Tələb olunan sənədlər obyektdən və qiymətləndirmənin məqsədindən asılıdır. Dəqiq siyahını müraciətdən sonra göndəririk. Mövcud sənədləri müraciət formasına əlavə edə bilərsiniz.

Hesabat nə qədər müddətə hazırlanır?

Müddət obyektin növündən, işin həcmindən və tapşırığın şərtlərindən asılıdır. Dəqiq müddəti sənədlərlə tanış olduqdan sonra bildiririk. İşin başlanma tarixi, müddəti və şərtləri müqavilədə göstərilir.

Hesabatı məhkəməyə və banka təqdim etmək olarmı?

Hesabat məhkəməyə sübut kimi təqdim edilə bilər. “Qiymətləndirmə fəaliyyəti haqqında” Qanuna görə hesabatda göstərilən yekun dəyər məhkəmə qaydasında ləğv edilmədikdə həqiqi hesab olunur (10.4-cü maddə), sübutları isə məhkəmə qiymətləndirir. Kredit almaq üçün girovu qiymətləndirmirik. Girov əmlakı ilə bağlı məhkəmə mübahisələrində isə qiymətləndirməni məhkəmənin qərarı və ya icra məmurunun sifarişi əsasında aparırıq.

Məhkəmə qiymətləndirməni necə təyin edir?

Qanunla müəyyən edilən hallarda qiymətləndirmə məhkəmənin və ya inzibati orqanın qiymətləndirmənin təyin olunması haqqında qərarı, habelə icra məmurunun sifarişi əsasında aparılır. Qiymətləndirməni təyin (sifariş) edən orqan və ya vəzifəli şəxs qiymətləndiricini obyektin mülkiyyətçisi ilə razılaşdırmaqla seçir, belə razılıq əldə olunmazsa, qiymətləndirici Qiymətləndiricilər Palatası tərəfindən müəyyən edilir (“Qiymətləndirmə fəaliyyəti haqqında” Qanunun 9.2-ci maddəsi). Tərəflər və vəkillər qiymətləndirmənin təyin edilməsi barədə vəsatət qaldıra və ya müstəqil qiymətləndirmə sifariş edə bilərlər. Qərarda qoyula biləcək tipik suallar “Ekspertiza” səhifəsindədir.

Hesabatda nə əks olunur?

Hesabatda “Qiymətləndirmə fəaliyyəti haqqında” Qanunun 10.2-ci maddəsində sadalanan məlumatlar əks olunur: tarixlər, obyektin təsviri, qiymətləndirmənin əsası, yanaşma və metodlar, onların əsaslandırılması, qiymətləndirici və təşkilat barədə məlumatlar, istifadə olunan mənbələr və yekun dəyər. Hesabat qiymətləndirici tərəfindən imzalanır və qiymətləndirici təşkilatın möhürü ilə təsdiq edilir (10.3-cü maddə).

Xidmətin dəyəri necə müəyyən olunur?

Xidmətin dəyəri obyektlərin növündən və sayından, qiymətləndirmənin məqsədindən və işin həcmindən asılı olaraq müraciətdən sonra hesablanır və müqavilədə təsbit edilir.

Müraciət göndərin — iş günü ərzində cavab veririk

Və ya birbaşa: +994 50 102 10 23
WhatsApp: +994 50 102 10 23
office@aecs.az

Fayllar (foto, sənədlər)
Zəng edinWhatsAppMüraciət