Ekspertiza
Qarşıya qoyulan konkret suala — dəyər, zərər, itki — hesablama və mənbə ilə əsaslandırılmış ekspert rəyi. Sifarişçinin müraciəti, tərəflərin və vəkillərin sorğusu, habelə məhkəmələrin və istintaq orqanlarının qərarı əsasında.
Ekspert rəyi nədir
Qiymətləndirmə hesabatı obyektin dəyərini müəyyən edir. Ekspert rəyi isə konkret suala cavab verir: zərərin məbləği nə qədərdir, bərpa mümkündürmü və nəyə başa gəlir, əmlakın hadisə tarixinə dəyəri nə idi, əldən çıxmış mənfəət nə qədərdir. Sualı sifarişçi, tərəflər və ya məhkəmə qoyur; cavab hesablama, mənbə və metod göstərilməklə verilir.
Beş vəziyyət
Nəqliyyat vasitəsinə dəymiş zərər
Yol-nəqliyyat hadisəsindən sonra: bərpa təmirinin dəyəri, əmtəə dəyərinin itirilməsi, tam məhv olma halında hadisə tarixinə bazar dəyəri və qalıqların dəyəri. Sığorta şirkəti, təqsirkar tərəf və məhkəmə ilə hesablaşma üçün.
Əmlaka dəymiş zərər
Su basması, yanğın, tikinti qüsurları və digər hallarda mənzilə, evə, kommersiya obyektinə və avadanlığa dəymiş zərərin məbləği.
Əldən çıxmış mənfəət
Müqavilənin pozulması, fəaliyyətin dayandırılması və digər hallarda əldə edilə biləcək, lakin əldən çıxmış gəlirin hesablanması.
Əmlakın müəyyən tarixə dəyəri
Miras, bölgü, mübahisə və digər hallarda əmlakın keçmiş tarixə (hadisə, ölüm, sövdələşmə tarixinə) dəyərinin müəyyən edilməsi.
Əsas vəsaitlərin vəziyyəti
İdarə və təşkilatlar üçün avadanlığın, texnikanın və digər əsas vəsaitlərin vəziyyəti və silinməsi barədə mütəxəssis rəyi (bax “Konsaltinq”).
Ekspertizanın təyin edilməsi
Ekspert rəylərimiz məhkəmələrin, prokurorluq və polis orqanlarının, digər dövlət qurumlarının tapşırığı ilə hazırlanır.
- “Nəqliyyat vasitəsinə dəymiş zərərin məbləği nə qədərdir?”
- “Bərpa təmirinin dəyəri nə qədərdir?”
- “Əmtəə dəyərinin itirilməsi nə qədərdir?”
- “Əmlakın hadisə tarixinə bazar dəyəri nə qədərdir?”
Ekspert rəyi
Yazılı ekspert rəyi: qoyulmuş suallar, tədqiqatın gedişi, istifadə olunan metodlar və mənbələr, hesablamalar, hər suala cavab, qiymətləndiricinin imzası və şəhadətnaməsinin surəti. Kağız və elektron formada.
Müraciət göndərin — iş günü ərzində cavab veririk
Və ya birbaşa: +994 50 102 10 23
WhatsApp: +994 50 102 10 23
office@aecs.az