Haqqımızda
“AECS” MMC — Azərbaycan Qiymətləndirmə və Konsaltinq Xidməti.
Mürəkkəb əmlak, biznes və maliyyə məsələlərinə vahid və çoxşaxəli yanaşırıq. Qiymətləndirmə, hüquq və maliyyə sahələri üzrə bilikləri bir araya gətirərək məsələnin mahiyyətini, ona təsir edən amilləri və mümkün ssenariləri kompleks şəkildə təhlil edirik.
Bizim üçün peşəkarlıq yalnız nəticədə deyil, həmin nəticəyə görə daşıdığımız məsuliyyətdir.

Yoxlanıla bilən
Şirkət Azərbaycan Respublikası Qiymətləndiricilər Palatasının qiymətləndirmə təşkilatları siyahısına daxildir. Qiymətləndiricilərimiz Palatanın üzvləridir və Dövlət İmtahan Mərkəzinin ixtisas şəhadətnamələrinə malikdirlər.
Palatanın siyahısına baxın → aqp.gov.azİxtisas şəhadətnamələri*
Daşınar əmlakın (maşın və avadanlıqların, nəqliyyat vasitələrinin, heyvan və bitkilərin və s.) qiymətləndirilməsi
Daşınar və daşınmaz mədəni irs nümunələrinin, mədəni sərvətlərin, tarix, mədəniyyət və təbiət abidələrinin qiymətləndirilməsi
Müəssisələrin qiymətləndirilməsi
Qeyri-maddi əmlak nemətlərinin (əqli mülkiyyət hüququ obyektlərinin, hüquqi şəxslərin nizamnamə kapitalında (fondunda) və ümumi əmlakda paylarının və qiymətli kağızlarının, habelə tələblərin və hüquqların) qiymətləndirilməsi
Kreditor borcların və digər öhdəliklərin, debitor borcların, material ehtiyatlarının və digər aktivlərin qiymətləndirilməsi
Dəymiş zərərin, əldən çıxmış mənfəətin və risklərin qiymətləndirilməsi
Xidmətlərin qiymətləndirilməsi
* Şəhadətnamənin üzərindəki QR-kod ilə sənədi Dövlət İmtahan Mərkəzinin reyestrində yoxlaya bilərsiniz.
Nəyə əsaslanırıq
“Qiymətləndirmə fəaliyyəti haqqında” Azərbaycan Respublikasının Qanunu (8 dekabr 2023-cü il, № 1052-VIQ).
Beynəlxalq Qiymətləndirmə Standartları (IVS 2025) — müqavilədə nəzərdə tutulduqda.
Maliyyə Hesabatlarının Beynəlxalq Standartları (IAS 16, IAS 36, IAS 40, IFRS 13) — maliyyə hesabatlılığı məqsədləri üçün.
Hər istiqamətdə müvafiq sahənin qanunvericiliyi və qarşıya qoyulan məsələnin tələbləri əsas götürülür.
Prinsiplərimiz
Müstəqillik
Nəticə sifarişçinin gözləntisindən yox, faktlardan və hesablamadan irəli gəlir.
Əsaslandırma
Hər rəqəmin mənbəyi, hər metodun əsası hesabatda göstərilir.
Məxfilik
Sifarişçinin sənədləri və məlumatları yalnız tapşırığın icrası üçün istifadə olunur və qanunla nəzərdə tutulmuş hallar istisna olmaqla üçüncü şəxslərə verilmir.








